ياصاحبي من وين لي راحة البال
والقلب عقبك مايهيد انشغالـه
تصليني الفرقى على حامي اللال
حتى منامي صار فيه استحالـه
قلبي ولو تقسي صفالـك ولا زال
راضي ولو هو ماحصلّه منالـه
وانا لك الله عايـش بهـم قتّـال
وحضرت جنابك باخلٍ في سؤاله
يازين ارحم يوم فيني الزمن مال
راع الحبيب وقّدر اللي جرالـه
أرجع ترى الدنيا بليّـاك غربـال
بعدك عذاب ولا اطيق احتمالـه
ليتك تجين وخافي الهـم ينـزال
عن واحدً انتي ترى راس مالـه
لاتلعبين بقلبي سـوات الاطفـال
ترى التلاعب بالمشاعر جهاله
وانا رهين اللي له القلـب ميّـال
ليته صفالي يوم قلبي صفالـه
ظالم وانا المظلوم في كل الأحوال
واللي عشق يستاهل اللي جراله